Монай авылында тынгысыз волонтерлар Яңа ел каникулларында да эшләде

Монай авылында яшәүчеләр, шул исәптән балалар да, көн саен авыл клубына җыелып, алар өчен бик кирәкле булган маскировка челтәрләрен үрә.

«Безнең волонтерлар Яңа ел каникулларын да файдалы итеп үткәрә. Аларның һәрберсе үз өлешен кертә. Бу эшкә балалар да бик теләп кушыла. Бу эш бик мөһим, чөнки без махсус хәрби операциядәгеләргә ярдәм итәбез», – дип сөйләде Монай авылы клуб җитәкчесе Надежда Бакаева.

Бу игелекле эшләр авыл халкының бердәмлеген һәм ярдәмчел булуын күрсәтә.Надежда Бакаева сүзләренчә, бу эшкә җәлеп ителгән һәркем  хәрбиләр өчен үзеннән өлеш кертүен аңлый. Балалар да авыл клубына ашыга, чөнки алар да үзләрен кирәкле итеп хис итә. Аларның куллары белән үрелгән челтәрләр, солдатларның тормышын саклап калыр.

Надежда Бакаева фотолары.