Халыкара өлкәннәр көне якынлашканда, Менделеевскиның Монай авылында бик күркәм һәм мәгънәле чара уздырганнар.
Авыл мәдәният йорты хезмәткәрләре һәм кечкенә активистлар «Збиеңне кочакла» акциясенә кушылып, өлкәннәребезнең йортларына кунакка юл тотканнар.
«Бу очрашуның максаты — бүләкләр тапшыру гына түгел, ә һәр кешегә үзенең кирәклеген һәм кадерле икәнен тоярга ярдәм итү иде. Балаларның шат тавышлары, ихлас сораулары һәм җылы кочаклаулары өлкәннәребезнең йөзләренә нур өстәде. Әби-бабаларыбызның күзләрендәге шул бәхетле очкыннарны күрү — үзе бер зур бүләк. Алар үзләренең тормыш тәҗрибәләре белән уртаклаштылар, киңәшләрен бирделәр, ә балалар исә аларга ныклы сәламәтлек һәм иминлек теләделәр», — дип яздылар Монай авылы мәдәният йортыннан.
Безнең кадерле өлкәннәребез, сез — безнең таянычыбыз, зирәклегебез һәм горурлыгыбыз! Йөзләрегездән елмаю китмәсен, ә күңелләрегез һәрвакыт җылылык белән тулы булсын.
Фотолар Монай авылы клуб җитәкчесе Надежда Бакаевадан.
Нет комментариев