«Милли тәрбия - киләчәк нигезе»: Үрәсбаш балалар бакчасында йолаларыбызны саклыйлар

Моның нигезендә, балалар бакчага килүгә, беренче сүзләре «Арулармысез» дип башлана. Дөрестән дә, балага яшьтән үк йола-гадәтләрне өйрәтү бик мөһим эш. «Ни чәчсәң, шуны урырсың» дигән халык мәкале дә тирән әһәмияткә ия.

«Тәрбияче Надежда Александровна балаларга йола-гадәтләрне өйрәтүне үз алдына төп бурыч итеп куя. Бакчада балалар белән һәр бәйрәм билгеләп үтелә. Әти-әниләр, әби-бабайлар катнашында бәйрәмнәр еш уздырыла. Бакчада музей почмагы булдырылган, ул һәрдаим тулыландырылып, эзләнү эшләре алып барыла», — дип әйтә балалар бакчасы җитәкчесе Любовь Павлова.

Үз халкының йолаларын белеп үскән бала туган илен, кешеләрен хөрмәт итә. Бу бакчада бирелгән милли тәрбия нәкъ менә шундый шәхесләр тәрбияләүгә юнәлтелгән. Балаларның рухи дөньясын баету, милли үзаңын формалаштыру – Үрәсбаш балалар бакчасының төп максаты.

Л. Павлова фотолары.