Мамадыш «Кряшен чибяре — 2025» титулы иясе Арина Трушова: «Конкурс минем өчен зур сынау булды»

— Керәшен кызы булуыма горурланам. Конкурста катнаша алуыма чиксез шатмын. Конкурс минем өчен зур сынау булды. Баштарак, үземне, халкымның культурасын, авылым гадәтләрен, йолаларын лаеклы күрсәтә алырмынмы, дип куркып та калдым. Барысы да нәкъ мин теләгәнчә килеп чыкты. Чибәрләр сәхнәсендә басып торуым, бөтен Тырлау аланына минем исемне әйтүләре, чыгыш ясауым, яңа карендәшләр белән танышу — үзе бер бәхет һәм зур җиңү. Алга таба да конкурста катнашу теләгем бар.

Конкурсны оештыручыларга, миңа ярдәм иткән Мамадыш мәдәният бүлеге методисты Роза Галкинага, керәшен этнографиясе белгече Валентина Максимовага, Албайдан Раиса Кибяковага, Колышчы авылының «Покрау» фольклор ансамбленә һәм минем өчен тавыш биргән карендәшләргә зур рәхмәт.