Мәлкәннәр Минзәлә яр буенда уздырылган уха фестивалендә катнашты

Традиция буенча, чара кышкы балык тоту буенча ачык ярышлардан башланды. Ярышларда җиңүчеләрне Минзәлә районы башлыгы Айдар Салахов бүләкләде. Бәйрәм кунакларын сәламләп, Айдар Салахов балыкчылыкның Минзәлә районы территориясендә борын-борыннан традицион кәсепләрнең берсе булуын, җирле сулыкларның төрле балыкларга байлыгын билгеләп үтте.

Район башлыгы шулай ук балалар сәнгать мәктәбенең рәсем конкурсында катнашучыларны бүләкләде. Фестивальнең үзенчәлеге авыл җирлекләре тарафыннан авыл мәдәният йортлары һәм клублары белән берлектә рус, татар, керәшен, мари һәм чуваш мәдәниятен тәкъдим итү булды. Алар көнкүреш әйберләре, традицион ризыклар, милли уха һәм һөнәрчелек әйберләре, шулай ук иҗади чыгышлар белән палаткалар оештырдылар. Районның мәдәният, мәгариф, социаль яклау, яшьләр эшләре һәм спорт бүлекләре вәкилләре уха әзерләү конкурсында катнашып, төрле номинацияләр буенча бүләкләнделәр. Чара яшьләр өчен квестлар белән үрелеп барды.

«14 февраль көнне Минзәлә яр буенда уха фестивальдә үзенчәлекле итеп кунакларны каршы алдык, бик матур итеп милли палатканы бизәдек, шулай ук традицион ризыклар, милли уха һәм үзебезнең милли чыгышыбыз белән җиңүче булдык», – дип хәбәр иттеләр Яңа Мәлкән мәдәният йортыннан