Казаннан Эльмира Мукеева “Туганайлар”дан кул эше белән шөгыльләнүчеләр турындагы язмаларны кызыксынып укый

Эльмира “Туганайлар” газетасын берничә ел рәттән яздыртып алып, андагы бар язманы укып бара икән. Әтисе Марлен белән әнисе Меланияне мәңгегә югалткач, гаиләдә үзе генә калган Эльмира өчен “Туганайлар” – дус та, күңел юатырлык сердәш тә.

Үзе сөйләгәнчә, Владимир авылы мохитендә үскән кызга, “Туганайлар” газетасында башка яклардагы йолалар, бәйрәмнәр турында уку аеруча кызыклы тоелган. Берара үзе дә чигү белән мавыккач, “Туганайлар”дан кул эше белән шөгыльләнүчеләр турындагы язмаларны да кызыксынып укый. “Газетада агачтан төрле әйберләр ясаучылар турында язулары да ошый. Алар турында язгач, кеше белеп тора. Өй өчен нәрсәдер кирәк булса, шул осталарны табып, алардан ясатып алырга була”, – ди Эльмира.

Бакчачыларның киңәшләрен дә игътибар белән карап бара. Укып кына калмый, “мин дә эшләп карыйм әле” дип, газетадагы киңәшләрне истә тотып, күрше-тирәдәдән дә күреп, авылдагы йорты бакчасында чәчәк, җиләк-җимеш үстерә.“Интернеттан карап-эзләп утырырга вакыт юк, газетаны ачып укыйм да, шунда язылганча эшлим”, – ди Эльмира үз бакчасы турында сөйләгәндә.

“Җырлы чишмә юлыннан” дигән шигырьләр китабы авторы, бүләк термосны алырга тәмле күчтәнәч күтәреп килгән киң күңелле карендәшебез Эльмирага иҗатында һәм томышында уңышлар телибез. Әлбәттә, карендәшебез күңелендә “Туганайлар”га урын түрдән булсын...