Кәләйлеләр махсус хәрби операциядәге егетләргә ярдәм әзерли, үзләренә ял да оештыра

Махсус хәрби операциядә катнашучы ир-егетләребез өчен туган җирдән һәр хәбәр дә зур сөенеч рухландыручы, батырлыкка өндәүче көч булып тора.

«Безнең авылның битараф булмаган, актив кешеләре көче белән маскировка челтәрләре үрү эше дәвам итә. Авыл халкына маскировка челтәрләре үрү эшендә күрсәткән ярдәмнәре һәм актив катнашулары өчен рәхмәт белдерәбез! Җыелган акчага кирәкле материаллар сатып алынды, эшләр гөрләп бара. Һәр метр — уртак эшкә кертелгән өлеш һәм егетләребезгә күрсәтелгән чын ярдәм. Үзебезнекеләрне ташламыйбыз! Бу көннәрдә волонтёрлар өчен Гаилә, мәхәббәт һәм тугрылык көненә багышланган бәйрәм программасы оештырылды. Актив эшчәнлеккә карамастан, бу көнне катнашучылар тукталып, үзләре өчен иң мөһим нәрсәне – гаиләләрен искә алдылар, көндәлек тормышта мәхәббәт һәм тугрылыкның роле турында уйландылар һәм моның белән бер-берсе белән уртаклаштылар.

Программа ахырында чәй эчү оештырылды. Рәсми булмаган шартларда чарада катнашучылар тагын да күбрәк аралаша, агымдагы эшләрне планлаштыра һәм ял итә алдылар», – дип хәбәр иттеләр батыр егетләребезгә ярдәм күрсәтү чараларын оештыручы мәдәният йорты хезмәткәрләре  Кристина Кузнецова һәм Марина Андреева.

Фото: мәдәният йорты хезмәткәрләре  Кристина Кузнецова һәм Марина Андреева.