Качману көнне кайсы керәшен авылларында су чумына алырга мөмкин?

19 январь православлар төп бәйрәмнәрнең берсен — Качмануны билгеләп үтә. Бу көнне чиркәүләрдә бәйрәм келәүләре уза, сулар аруландырыла, суга чумыну өчен бәкеләр ачыла, купельләр булдырыла. Качману көнне һәркемгә дә суга керү мәжбүри түгел. Бу эшне чиркәү дә мәҗбүриләми. Чөнки боздай суга керү организм өчен зур стресс. Моны көчле һәм сәламәт кешеләр генә башкарып чыга ала.

Алабуга районы:
Черкасово авылында.

Балык Бистәсе районы:
Иванай, Алан-Полян  авылларында.

Балтач районы:
Дорга авылында (купельдә).

Зәй районы:
Иске Зәйне әйләнеп узу юлы буендагы Изге чишмә; Сарсаж-Баграж, Сәвәләй, Кабан Бастырык, Керәшен Мәлеме авылларында.

Кайбыч районы:
Турминское авылында.

Кукмара районы:
Село-Чура авылында.

Казан шәһәре:
— Югары Кабан күлендә (Ферма шоссесы ягыннан «Сокол» кафесы янында һәм Борисовская 54 йорт); 
— Федосеев урамы, 49 йорт; 
— Савиново торак массивында 5 нче Кадыш урамы, 12 йорт.

Лаеш районы:
Ташкирмән авылы Мишә елгасында.

Лениногорск районы:
Федотовка авылының "Тәреле чишмә«дә.

Менделеевск районы:
Иске Гришкин һәм Сәйтәк авылларында коену була.

Мамадыш районы: шәһәрнең «Яшьлек» скверы янында Нократ елгасында, "Изге касә«дә («Святая Чаша»); Юкәче, Владимир, Чия Башы (Никифорово) авылларында.

Питрәч районы:
Керәшен Сәрдәсе, Кәвәл авылларында.

Сарман районы: 
Ләке авылында.

Саба районы:
Кырбаш авылында.

Тукай районы:
Мәләкәс авылында «Яшелчә» елгасында.

Түбән Кама районы:
Балчыклы, Келәте авылларында, Красный ключ поселогында «Изге чишмә»дә (купельдә).

Теләче районы:
Субаш, Карабаян (Колбагыш) авылларында.

Чистай районы:
Кама елгасы яры буенда.

Яңа Чишмә районы:
Ленино авылында купельдә.

Яр Чаллы шәһәре:
Серафим Саровский храмы янында Мәләкәс елгасында.

Яшел Үзән районы:
«Раифский источник» территориясендә.

Әлмәт районы:
Шәһәр пляжында.