Мөслим районының Яңа Усы мәктәбенең башлангыч класс укытучысы Роза Николаевнага «Орлята России» проектының трекларын намуслы үтәгәне өчен «Беренчеләр хәрәкәте»нең махсус бүләген тапшырдылар.
Бу югары бәяләү Роза Николаевнаның балаларны тәрбияләүгә һәм аларның үсешенә керткән зур өлешен күрсәтә. Аның тырышлыгы, балаларга булган мәхәббәте һәм һөнәренә тугрылыгы һәрвакыт үрнәк булып тора.
«Роза Николаевнаның бу казанышы безнең мәктәп өчен зур горурлык! Аңа алдагы эшенә дә уңышлар, саулык-сәламәтлек һәм яңадан-яңа җиңүләр телибез!», – ди мәктәп директоры Надежда Михайловна.
Надежда Юмагулова фотосы.
Нет комментариев