Чистай районының Чуваш Ялтаны авыл китапханәсе, Россия халыклары бердәмлеге елы кысаларында, «Бергә без – Россия!» дигән төбәкара акция-флешмобында катнаша.
Алар «Бер халык – күп йөзләр» номинациясендә чыгыш ясыйлар, чөнки бу гади сүзләр генә түгел, ә тормышның үзе.
«Безнең авылда татарлар, чувашлар, руслар һәм керәшеннәр иңгә-иң яши. Төрле телләрдә сөйләшәбез, әмма безне кече ватаныбызга мәхәббәт һәм күршебезнең гореф-гадәтләренә хөрмәт берләштерә. Бергәләп халык бәйрәмнәрен үткәрәбез, уеннарны уйныйбыз, үзенчәлекле бизәкләр, традицион ашлар һәм киемнәр белән таныштырабыз. Китапханәдә чигү үрнәкләре һәм традицион киемнәр белән таныштыручы мастер-класслар үткәрәбез», – ди китапханәчеләр.
Нина Никитина фотолары.
Нет комментариев