Җәен авыл зиратларында өмәләр уза

Авыл җирлекләрендә яшәүчеләр Питрауга әзерләнә. Җирле халык бәйрәмгә кадәр  авыл зиратында зур өмә уздыра. Ел саен Питрау алдыннан зиратны тәртипкә китерү матур гадәткә әйләнгән. Өмәдә катнашучылар чүп-чарны җыештырып, төзекләндерү таләп ителгән урыннарны караштыра.

Зәй районының Кабан-Бастрык авылы зиратында өмә узды.Зират – изге урын. Мәңгелек йортыбызны чистартып, тәртипкә китереп тору – һәрберебезнең изге бурычы.

«Кабан-Бастрыкта мәңгелек йортны җыештыруда авыл халкы һәм читтә яшәүче авылдашлары катнашты. Мондый өмәләр Кабан-Бастрыкта еш уздырыла. Өмәдә авыл халкы да, читтән кайтучы авылдашлары да катнашты. Бергәләп зиратта үскән үләнне чабып, аны җыеп, чистартып куйдылар. Өмәдә катнашкан һәр кешегә рәхмәт», – ди Кабан-Бастрыкның Ак дәдәсе Илья Батаев.

Минзәлә районының  Түбән Юшады авылы зиратында да үлән чабу буенча игелекле эш үтте.

«Бу эшкә үзләреннән өлеш керткән барлык кешегә дә рәхмәтлебез», – диде Наталья Чепкасова.

Фотолар И. Батаев, Н. Чепкасовадан.