Татарстанда кайчан суытачагын әйттеләр

Республика Гидрометеоүзәге мәгълүматларына караганда, 1 февральдә көндез –5…–10 градус салкын булачак. Явым-төшем көтелми. Төнлә –12 градуска кадәр суык, аз гына кар көтелә. 2 февральдән суыта. Көндез –5…–10, төнге сәгатьләрдә –10…–15, урыны белән –20 градус.

Синоптикларның башлангыч фаразларына караганда, 3–4 февральдә Татарстанда болытлы һава саклана. Урыны белән кар. Көндез термометрның терекөмеш баганасы –2…–7 градус чикләрендә тирбәлсә, төнлә –7…–12, урыны белән –15 градуска кадәр төшәчәк.

ВТ