Үрәсбаш авылында яшәүче Анастасия Гурьевага 100 яшь тулды

Анастасия Гурьевага 26 декабрьдә 100 яшь тулды. Шушы уңайдан, аны котларга Кукмара районы башлыгы урынбасары Резедә Гаянова, социаль яклау оешмасы җитәкчесе, Түбән Үрәс җирлеге башлыгы Василий Сафаров, Кукмара агрохимсервис җитәкчесе Валерий Тимофеев, Түбән Үрәс авылы җирлеге ветераннар оешмасы җитәкчесе Любовь Сергеева, туганнары, авылдашлары килгәннәр.

Яшь чаклары авыр елларга туры килгән Анастасия вербовкага эләгеп читкә китәргә мәҗбүр була. Анда ул Үрәсбаш кызы белән дуслаша. Соңрак, бергәләп шушы авылга кунакка кайта һәм дус кызының абыйсына кияүгә китә.

“Дүрт бала тәрбияләп үстерделәр. Хәзерге вакытта ялгызы гына яши. Килене белән улы еш килеп, карап, ярдәм итеп торалар», – дип сөйләде Үрәсбаш авылында яшәүче карендәшебез Любовь Павлова.