Үрәсбаш авылы балалар бакчасында милли тәрбиягә зур игътибар бирелә

Балаларга милли тәрбия бирү — киләчәгебезне булдыру дигән сүз. Һәр халыкның күп еллар буена тупланган үз йолалары, милли киемнәре, бәйрәмнәре була. Без аларны киләчәк буынга тапшырырга тиеш.

«Керәшеннәрнең милли мирасы бик бай, без шуңа таянып эшлибез. Балаларга күпьяклы белем һәм тәрбия бирү өчен уңай шартлар тудырылган. Бакчага кергән һәркем, милли бизәкләр, әкият геройлары, үз телбездә сөйләшүче бакча хезмәткәрләре белән очраша. Нәниләребезгә милли тәрбия бирү иң беренче әти-әниләрдән башлана, шуңа, алар белән без тыгыз элемтәдә торып эшлибез», — дип сөйләде Үрәсбаш балалар бакчасы бакча җитәкчесе Любовь Павлова.