Олы Афанасово авылы халкы Түбән Кама активистлары белән агач утыртырга чыкты

Агач үсентеләре утыртуга барлыгы егермегә якын энтузиаст кушылган. Иң яшь катнашучыга — 6 яшь, ул әти-әнисе белән бергә эшләде. Барлыгы 52 агач утыртылды — 31 нарат һәм 21 каштан.

«Начар һава торышына карамастан, шимбә өмәсен барыбер үткәрергә булдык. Мәдәният йорты янында «Твори добро Нижнекамск» төркеменең алты активисты, мәдәният йорты җитәкчесе һәм хезмәткәрләре, хезмәт ветераннары, күрше йортларда яшәүчеләр җыелды», — дип яза оештыручылар.