Мирәтәк авылынан 85 яшьлек Евдокия түтигә Кар кызы килгән

Кешегә бирә ала торган иң зур бүләгең – ул синең вакытын дигәннәр бит.

«Бүген иптәшем белән вакыт табып әти-әниләребезнең дуслары, Мирәтәк авылы кызы, 85 яшьлек Евдокия түтиләргә барып килдек. Олы кешене борчырга теләмичә шыпырт кына, иртәнге унга килеп життек. Дуся түтинең ашы да, пылавы да инде пешкән, өе ямьле, үзе нурлы дигәндәй, бар да әзер.

Киң күнелле, ачык йөзле түтиебез мине Кар Кызы киеменнән күргәч гел югалып калды. «И, Дуся түти, менә беренче сезне котларга килдек", дигәч мине кысып кочаклап елап җибәрде. Кеше күңелен күрү өчен бик аз кирәк икән бит, югыйсә.
Ә минем күңелемдә бәхетле балачагым, ун яшьтән бирле Кар Кызы булып йөргән чакларым, әти-әниле бәхетле вакытларым күз алдына килде. Күңелебездә җылылык, ә тирә-юнебездә матурлык булсын!», — диде Нина.