Кече Нослыда “Яшә, минем авылым” дип аталган бәйрәм уздырганнар

Соңрак күп авылларда “Авыл көне”, “Капка төбендә”,  “Авыл бәйрәме" дип исемләнгән бәйрәмнәр дә уза.

Ә менә Марий-Эл республикасының Кече Нослы керәшен авылында хәрәкәттә-бәрәкәт уен программасына нигезләнеп, “Яшә, минем авылым" марафоны оештырганнар. Кич белән авылда балалар һәм авыл халкы җыелган.

“Бәйрәмдә традицион рәвештә төрле уеннар һәм конкурслар оештырылды. Балаларга батутта сикерү, попкорн һәм төрле тәм-томнардан авыз итү мөмкинлеге бирелде. Мәдәният йорты хезмәткәрләре балык ашы (уха) әзерләгән идек,  ул тәмле булып чыкты, барысы да канәгать калды. Җыр-биюне дә онытмадык, бик күңелле бәйрәм ясадык”, – дип сөйләде Кече Нослыда яшәүче Светлана Иванова.