Югары Мәлемдә балалар Сабантуена әзерләнәләр

Сабантуйга берничә көн кала мәдәният хезмәткәрләре балалар белән бергә бүләкләр җыярга чыккак, дип хәбәр итә «Зәй офыклары».

«Ата-бабаларыбыздан килгән милли йолаларыбызны, бәйрәмнәребезне балаларга да тапшыру максатыннан ел саен Балаларны яклау көнендә Сабантуй үткәрәбез. Һәр өйгә кереп бүләк җыябыз, матур теләкләр теләп бәйрәмгә чакырабыз. Балалар бәйрәмне көтеп ала, актив катнашалар. Алар өчен зур бәйрәм була», — дип сөйли мәдәният йорты директоры Лилия Сибгатуллина. 

Бүләк җыю үзе бер бәйрәм төсен алган. Лилия Сибгатуллина сүзләренчә, авыл халкы  балаларның күңелен күрергә тырышкан, барысы да аларның күңеленә хуш килә торган бүләкләр чыгарган.