Явамы, Гәүрей?

Безнең урамда гына, бер өй аркылы Сылу кушаматлы кешеләр яшәгән. Боларның Гәүрей (Гавриил) һәм Бәчелей (Василий) атлы малайлары булган.

Көз көне. Сентябрь айлары. Бәрәңге алыр чак җиткән. Гәүрей белән Бәчелей бәрәңге сабагы урырга бакчага чыгып киткән. (Элек чалгы белән чабу булмаган, бәрәңге сабагын урак белән урганнар). Болар чыгып, озак та үтми, яңгыр сибәли башлаган. Гәүрейгә шул гына кирәк тә, урагын тотып өйгә кереп киткән.
Анасы, Гәүрейнең кергәнен күреп:
— Явамы, Гәүрей? — дип сораган.
Гәүрей:
— Ява, ява! Әйт, Бәчелейгә урмасын! — дип җавап биргән.