Баландышта «Түгәрәк уен» узды

«Түгәрәк уен» быел өченче тапкыр үтте. Ул быел «Түгәрәк уен»+Блогерлар Сбаануте буларак узды. Монда Татарстаннан танылган блогердар да килгән иде.

Бәйрәм «Татмедиа» акционерлык җәмгыяте белән бергәлектә уздырыла. Монда район газетасына язылучылар, кунаклар рәхәтләнеп җырлап-биеп, мунча себеркесе бәйләп, печән чабып ял иттеләр. Ял итеп кенә калмадылар, ярышларда үзләре призга откан бозауларны, әтәчне, печәнне алып кайтып киттеләр.

Бәйрәмдә Теләче районының Иске Карабаян авылыннан «Беләзек» һәм Субаштан «Нардуган»  фольклор ансамбльләре керәшен җыруларын яңгыратты. Алар башта килгән кунакларны тәмле ризыклар, җырулар белән каршы алдылар. Яннарында туктап, аларга кушылып биючеләр дә шактый булды. 

Бәйрәм башлангач мәйданда да чыгыш ясадылар: керәшен биюләре, җырулары башкардылар. Халык бик яратып карады, кушылып җырлап та утырдылар.