Алан-Полянда «Бал Спасы»н бәйрәм иттеләр

Шул уңайдан Балык бистәсе районының Алан-Полян авылында мәдәният һәм китапханә хезмәткәрләре тарафыннан матур бәйрәм  оештырылган. 

Бал Спасы умартачылар бәйрәме дә булып тора. Беренче Спаска умарта кортлары бал җыюдан, бал ясаудан туктый. Умартачылар бал аерта башлап, чиркәүләрдә аны аруландырганнар. Электән үк килгән ышанулар буенча, беренче Спастан соң гына бал ашарга яраган. Беренче Спаста баллы печенье, баллы прәнник пешергәннәр, яшелчәләрдән, бал кушып, салат ясаганнар, кунакларны җиләкле ашлар белән сыйлаганнар. Бал Спасы - элек-электән иң кадерле бәйрәмнәрнең берсе саналган. Алан-Полянда авыл халкы, җыелып, балдан авыз иткәннәр, уеннар уйнап, җырлап-биеп бәйрәм иткәннәр.