“Айбагыр” этносменасы ахырына якынлашты

Яңа танышуларга, кызыклы мастер-классларга, очрашуларга бай булган “Айбагыр” этносменасының соңгы көне: гади танышлардан күпкә якынайган балалар бер-берсе белән саубуллашып, гомер буе дус буларга сүз бирешә торган көн бүген.

“Айбагыр” этносменасы ябылу тантанасында Татарстан республикасы яшьләр эшләре буенча министры Ринат Садыйков, Яшел Үзән муниципаль районы башлыгы Михаил Афанасьев, Я.Емельянов исемендәге мәдәни үзәк директоры, республика керәшен иҗтимагый оешмасы башкарма комитеты җитәкчесе Людмила Белоусова, “Лето” үзәге директоры Илдар Давлетчин, “Мирас-Наследие” лагеры җитәкчесе Ирина Сусликова үзләренең җылы сүзләрен җиткерде. 

“Айбагыр”лылыр үзләренең вожатый дәдәйләре һәм түтиләре белән бергәләп концерт әзерләгәннәр, матур бәйрәм оештырганнар алар. Бүген бөтен сменага  йомгаклар ясала, соңгы “шәмчек”ләр, соңгы дискотека үтә. Әмма балаларның йөзләрендә сагыш түгел, киресенчә, алар шушындый кечкенә генә бер лагерь тормышын татып карый алганнарына бәхетле.