1 июльдән яңа закон гамәлгә керде

Торак-коммуналь хезмәтләр өчен түләүгә киткән чыгымнарга компенсация бирү турындагы документта түбәндәгеләр күрсәтелгән. 

Гариза теркәлгәннән башлап 10 көн үткәнче (!), компенсация түләү-түләмәү мәсьәләсендә билгеле бер карар кабул ителергә тиеш.

1 июльдән федераль ташламага ия кешеләргә — хәрби хәрәкәт ветераннары, радиация яки техноген фаҗига аркасында зыян күргән инвалидлар һәм гражданнарга да торак-коммуналь хезмәтләр өчен тиешле чыгымны каплаганга компенсация бирүнең бердәм стандартлары гамәлгә керде. Россия хөкүмәте председателе Михаил Мишустин шул хактагы карарга кул куйган. 

Бу категория кешеләргә торак-коммуналь хезмәтләр өчен компенсация федераль бюджеттан бирелә. Законда билгеләнгән гарантиягә бәйле рәвештә, компенсация торак-коммуналь хезмәтләр бәясенең 50 процентына кадәргесен тәшкил итә.

Бу яңа карарда компенсация алу өчен гариза бирүнең бердәм формасы тәкъдим ителә; ташлама алу өчен кирәкле документлар исемлеге китерелә; әлеге төр ярдәм чарасын билгеләү өчен карар кабул итүнең срогы 10 эш көненнән дә күбрәк булмаска тиешлеге күрсәтелә.

Ә төбәк һәм муниципаль власть органнарының исә региональ һәм муниципаль бюджеттан мондый төр ярдәмне билгеләүдә өстәмә таләпләр урнаштыру буенча үз хокуклары саклана.