Село-Чура чиркәвендә яңадан келәүләр уздырыла башлауга 30 ел уңаеннан зур чара үткән

Изге Троица чиркәвенең 1866 елда төзелүе билгеле. Чиркәү язмышы революциядән соң ябылган йөзләгән башка чиркәүләрнекенә охшаган: сугыш елларында ашлык амбары, сугыштан соң – мәктәп, соңрак интернат, аннан клуб ролен үти. 1993 елның 28 июленнән чиркәүнең яңа тарихы башлана. Быел – бу вакыйгага утыз ел.
Шушы уңайдан, настоятель отец Рафаил Федоров җитәкчелегендә 18 июль көнне чиркәүдә зур келәү үткәрелде. Келәүдә Чураның үзеннән, районның башка авылларыннан килгән халык һәм бик күп священниклар җыелган иде.