Олы Аты авылы түтиләре махсус операциядәге егетләргә җылы оекбашлар бәйләп җибәрде

Түбән Кама районының Олы Аты авылы түтиләре җылы оекбашлар бәйләп, махсус хәрби операциядә катнашучы ватандашларга озаттылар. Бу игелекле һәм хәзерге шартларда бик тә кирәкле эшне Олы Аты авылы китапханәчесе Надежда Замотаева оештырлы. Авылның уңган түтиләре үз куллары белән сарык йоны язып, җеп җегерләп, җылы һәм калын оекбашлар бәйләделәр. Барысының да теләге уртак: җан җылысы кушып озаткан бүләк оекбашлар хәрби операциядәгеләргә туган җир кадерен тагын да ныграк тоярга, нык булырга көч бирсен. Барысы да исән-сау килеш һәм тынычлык урнаштырып, тизрәк өйләренә әйләнеп кайтсыннар.