Зәй районы, Кабан-Бастрык авылыннан А.А. Краснова язып җибәргән керәшен халык җырулары

Иртәләрдә торып тышка чыксам,

Агач башларына кош кунган.

Ташлашмыек, туганай, әй ташлашмыек,

Туганнарын ташлап кем уңган.

Карурманга кердем кич кенә,

Сандугач баласы өч кенә.

Безнең туганайны сорасагыз,

Төскә чибәр, буйга кечкенә.

Чыбылдыккайларның чуп-чуар,

Чебен кунса гына кем куар?

Әйдә, туганаем серең сөйлә,

Безнең  серләшкәнне кем тояр.

Зәй районы Кабан-Бастрык авылыннан А.А. Краснова язып җибәрде.

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.