Авыллар – игътибар үзәгендә

Татарстанда авыллар үсешенә, аларны төзекләндерүгә соңгы дүрт елда 9,6 миллиард сум акча тотылган. Бу – авылларны яшәтү, аларны үстерү максатыннан, “Авыл территорияләрен комплексы үстерү” федераль программасы буенча тормышка ашырыла.

Дүрт ел эчендә 1,2 мең гаилә өчен 70 мең квадрат метр торак төзелгән; автомобиль юлларының яңартылган 57 километрын да кертеп, 990 объект төзекләндерелгән; өч авыл клубын, ике мәктәпне өр-яңадан үзгәртеп ремонт ясалган; физкультура-сәламәтләндерү комплекслары салынган; күп функцияле ике үзәк; ике фельдшер-акушерлык пункты, биш спорт объекты, мәктәп җиткезелгән; барлыгы 50 километр озынлыкта – су тәэминаты челтәре, ә 10 километр арада су бүлгеч челтәре сузылган.

Болар хакында агропромышленность комплексы территорияләрен һәм кече хуҗалык формаларын үстерү буенча Казанда уздырылган семинарда әйтелгән. Татарстан авыл хуҗалыгы һәм азык-төлек министры урынбасары Марсель Мәхмүтов республикадагы 3,9 миллион кешенең 900 меңгә якыны авыл җирендә яшәвен дә искәртеп үткән.