«Туым Жондозы»нда «Туганайлар»дан махсус бүләккә Богдан Андреев лаек булды

Керәшен җыруларын яшь башкаручыларның республикакүләм «Туым Жондозы»-«Рождественская звезда» конкурс-фестивале быел 14нче тапкыр оештырылды. Гала-концертта катнашучыларның һәрберсе I, II, III дәрәҗә лауреат дипломнары белән бүләкләнде. Шулай ук, оештыручылардан махсус бүләкләр дә каралган иде. 

«Туганайлар» газетасының махсус бүләгенә – Кукмара районының Үрәсбаш авылыннан Богдан Андреев ия булды. Аңа күптән түгел басылып чыккан «Мирас» китабы һәм наушник бүләк ителде. Богданның үзе гармунда уйнап керәшен җыруы башкаруы «Туганайлар» редакциясен таң калдырды. 

«Туым Жондозы» фестивалендә икенче ел рәттән катнашам. Гармунда уйнавыма инде 3 ел буладыр, спортны да үз итәм. Быел ике җыр башкардым: «Урманнарга керсәм» һәм «Аппагым». Беренчесен үзем гармун уйнап башкардым», – дип сөйләде Богдан.

Шулай ук, Богдан Андреев «Халык вокалы» номинациясендә (12-17 яшьлекләр) I дәрәҗә лауреат булды.

Фото: Фрида Вәлитова

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.