Бирдебәк авылы мәдәният хезмәткәрләре «Чиста һәйкәл» акциясендә катнаштылар

Акциянең максаты - һәйкәл территориясен чистарту, Сугыш кырларында күрсәтелгән ветераннарының батырлыгы өчен патриотик хисләр һәм горурлык тәрбияләү.

Бирдебәклеләр  Бөек Ватан сугышы елларында батырларча һәлак булган якташларыбыз истәлегенә куелган һәйкәл тирәсендәге чүп-чарны һәм үскән корган үләннәрне җыеп, аны чистарттылар.

Бу акция – безнең батыр бабаларыбызның исемнәрен мәңгеләштерүгә һәм аларның хәтерен хөрмәтләүгә зур өлеш. Мәдәният хезмәткәрләренең бу тырышлыгы һәйкәл тирәсен генә түгел, ә халык күңелен дә яктыртты. Аларның эше – һәркемгә үрнәк булырлык.

Е. Толстова фотолары.

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.