Яшь йолдызларыбыз сәхнә түрендә балкый

Күптән түгел генә Иван Пугачев һәм Амелия Феофанованың «Артист-патриот» орденын алганнары турында хәбәр иткән идек. Ә хәзер инде яшь талантлар тагын бер җиңү яулаганнар. 

Ел саен уздырыла торган эстрада сәнгатенең республика телевизион яшьләр фестивале «Созвездие-Йолдызлык»та Ваня белән Амелия «Конферанс» номинациясендә I урын яуладылар. 

— Ваня һәм Амелия инде берничә тапкыр «Созвездие-Йолдызлык» фестивалендә төрле номинацияләрдә катнашканнары бар, быел «Конферанс» номинациясен сайладылар. Вакытны туры китерү кыен иде, чөнки балаларның графиклары бик тыгыз, дәресләре һәм чыгышлары күп. Әмма, шулай да, аларның призлы урыннарны алу теләге бик көчле иде, — дип сөйләде аларның җитәкчесе Талия Төхфәтуллина.

Фото: Талия Төхфәтуллина