2024 елдан илебездә 12 катлы агач йортлар төзи башларга мөмкиннәр

Россиянең төзелеш һәм торак-коммуналь хуҗалыгы министрлыгы киләсе елда шундый йортлар төзү өчен тиешле кагыйдәләр кертергә җыена. Министрлыктагылар әйтүенчә, агач панельле йортлар ныклы, сейсмик чыдамлы һәм, шулай ук, тиз арада төзелә, акча ягыннан да экономияле. Мәскәүдә, Иркутск өлкәсендә, Карелия һәм Кавказда шундый кунакханәләр комплексларының проектлары эшләнә икән. "CLT девеломпент" команияләре төркеме җитәкчесе Павел Карнаух CLT-панельләрдән төзелгән агач биналар хәзерге тимер-бетон технологияләр буенча төзелә торган йортлардан 2,5 мәртәбә тизрәк салыначагын әйткән. Бетон йортларга караганда, алар биш мәртәбә җиңелрәк тә икән, шунлыктан,  метро һәм тоннель өстендә дә төзеп булачак, ди.