Җырчы Альбина Абрамова кияүгә чыкты

Җырчы үзенең бәхетле көненнән фотолар урнаштырган. «Рөстәм белән инвалидлар өчен ватсапта ачылган „Ике йөрәк“ төркемендә таныштык. Ул да минем кебек үк начар күрә. Дуслыктан башланган мөнәсәбәтләр кавышуга барып җитте. Бер елга якын аралашканнан соң, Түбән Камада кавыштык. Рөстәм — Якутиядән, катнаш никахтан туган. Әтисе — татар, әнисе — рус милләтеннән. Яшь аермабыз 10 ел булса да, курыкмадым. Булачак иремнең миннән өлкәнрәк, тәҗрибәлерәк булуын теләдем», — дип сөйли җырчы.

Парларга бәхетле, матур тормыш телибез!