Яңа Үгет кенәгәсе дөнья күрде

Шушы көннәрдә күптән көтелгән Үгет кенәгәсе дөнья күрде, – дип хәбәр итте Алексеевск округының благочинные, протоиерей Павел Чурашов

Ул бу китапны бастыруда зур ярдәмен күрсәткән Иван Егоровка, Геннадий Муллинга, шулай ук, басмага әзерләүдә булышулары өчен Батаевлар, Пантелеевлар, Ивановлар гаиләләренә, текст редакциясе буенча зур эш башкарганы өчен керәшен духовная миссиясе җитәкчесе, Керәшен Сәрдәсе чиркәве настоятеле Димитрий Сизовка зур рәхмәтен белдерә. Китап чиркәү-керәшен телендә язылган, атнакөн һәм бәйрәм көннәрендә әйтелә торган 100гә якын үгетләрне үз эченә ала. Кенәгә Казан һәм Татарстан митрополиты Кирилл бәхиллеге белән басылган.