Татарстанда эшсезлек кими

Татарстан илебезнең эшсезлек иң аз булган җиде төбәге арасына кергән. Бу шушы елның март-май айларындагы уртача күрсәткечләрдән чыгып билгеләнгән. Ул җиде төбәккә түбәндәгеләр керә: Чукотка (эшсезлек – 1,6 процент), Санкт-Петербург һәм Ямал-Ненец автономлы округы (1,7 процент), Ханты-Манси автономлы округы һәм Хабаровский крае (2,1 процент), Мәскәү ( 2,2процент) һәм Татарстан (3,4 процент).

Өстәвенә, безнең республика – эшсез кешеләрнең азлыгы буенча  Идел буе федераль округында беренче урында. Россия буенча алганда, март-май айларында бу күрсәткеч 4 процент тәшкил иткән.

Росстат мәгълүматына караганда, шул өч ай эчендә республикада эшсезлек 2,3  процент тәшкил иткән. Май аенда рәсми теркәлгән эшсезлек – 0,5 процент, ә бу исә узган елның шул чоры белән чагыштырганда ике мәртәбә азрак, дигән сүз.

Татарстанда хезмәт эшчәнлеге белән шөгыльләнмәүчеләрдән халыкны эш белән тәэмин итү үзәкләрендә рәсми рәвештә теркәлгәннәре май азагына 13 мең 300 кеше булган. Шуларның 10 мең 400е – эшсезләр, шул исәптән 8 мең 400е  эшсезлек буенча пособие алучылар.

Фото: Владимир Васильев