"Татарча диктант-2018" уздырылачак көн билгеле

Төгәл бер айдан, ягъни 27 октябрь көнне, "Татарча диктант" акциясе кабат уздырылачак. Бу хакта Бөтендөнья татар конгрессы хәбәр итә. 

• "Татарча диктант" акциясе 2016 елдан башлап үткәрелә. Узган ел акциядә Россиянең 20 төбәгеннән һәм 10 чит илдән ике меңнән артык кеше катнашты. Акциянең максаты — татар телендә хатасыз язарга өйрәнү, әдәби татар телен кулланучылар санын арттыру, татар әдәбияты әсәрләренә киң җәмәгатьчелекнең игътибарын юнәлтү.

Быел акцияне үткәрү 27 октябрьга планлаштырылган. Барлык катнашучыларга сертификатлар тапшырыла, ә хатасыз язучыларга аерым бүләкләр биреләчәк.

• Проект Татарстан Республикасы Яшьләр эшләре министрлыгы, КФУның Филология һәм мәдәниятара багланышлар институты һәм “Каюм Насыйри институты” фәнни-белем үзәге тарафыннан гамәлгә ашырыла. 

Фото: Рамиль Гали

Мәгълүмат "Татар-Информ"нан алынды.