Олы Тәрбит авылында чиркәү төзелеше дәвам итә

- Шушы араларда Чувашия Республикасының Батыр районындагы Тойси авылының Изге Троицк чиркәвеннән бригада бездәге чиркәүнең башын ябырга керешәчәк. Халык чиркәү төзелешенә үз өлешен кертә тора, күптән түгел район башлыгы Альберт Рәхмәтуллин да йөз мең сум акча биргән иде. Бик зур рәхмәт аңа. Шул акчага чиркәүнең икенче гөмбәзен ясаттык, әлеге бригада шул гөмбәзне дә урнаштырачак. Ходай кушса, шуның белән тәбү ябу, гөмбәз ушнаштыру эшләре тәмамланачак. Аннан соң эчке стеналарын штукатурлау, сурәтләр төшерү, тәрәзәләр кую, иконостас урнаштыру эшләре калачак. Тәрәзәләргә, иконостаска заказ бирдек инде, - диде Василий Сергеевич. 
7 июнь көнне Василий Сергеевичны район Советы бинасында очраттым. Ул матди ярдәме өчен Альберт Илгизәровичка Рәхмәт хаты тапшырырга килгән икән. 
- Дини корылмалар төзү өчен район бюджетында акча каралмаган. Бу эш гомер-гомергә халыктан җыелган акчага башкарылган. Шулай да, башланган төзелешкә ярдәм итәсе килде, шуңа үземнән дә өлеш кертергә булдым. Ходай йорты киләчәктә районыбыз халкына хезмәт итәчәк бит, - диде Альберт Илгизәрович. 

"Кайбыч таңнары"