Түбән Камада мәктәп укучылары керәшен культурасын өйрәнә

Шәһәр халыклар дуслыгы йорты «Керәшен культурасы» дигән фольклор дәрескә мәктәптә белем алучы егетләр һәм кызларны җыйды. 

Җирле керәшен оешмасы җитәкчесе урынбасары Эльмира Гыйльметдинова һәм «Сүрәкә» керәшен халык фольклор ансамбле җитәкчесе Ольга Вәлиуллина җитәкчелегендә, «Җиз кыңгырау» кызлары фольклор дәрес үткәрделәр.

Керәшеннәрнең борынгы көйләрен, аларның яңгырашын тыңлаганнан һәм бергәләп җиңлерәк көйне өйрәнгәннән соң, командаларга бүленеп, үзара җыр ярышы да уздырып карадылар. 

«Бәрәкәт» яшьләр хәрәкәте активистлары булган «Җиз кыңгырау» кызлары Ариана Кадыйрова, Земфира Вәлиулина, Ясминә Исамәгыйлева һәм Карина Бухарова оештырган фольклор дәрес укучыларга бик тә ошады, алар тагын очрашу теләге белән таралыштылар.