Хезмәт ветеранына авылдашы скамейка бүләк итте

Җиңү бәйрәменең 75 еллыгы белән котлап, Зәй районы Кабан-Бастрык авылында яшәүче хезмәт ветераны - Ульяна Ивановна Тихоновага авылдашы Павел Волков скамейка бүләк итте. Ул аны үз кулы белән ясаган. Моның хакта Клавдия Максимова хәбәр итте.

“Авылдашларыма рәхмәт, хөрмәт итәләр. Кабан халкы үзенә бертөрле – яхшы халык”,- ди Ульяна Тихонова.

Клавдия Максимова: “Әнием Кабан халкын, Кабанын бик ярата. Ул безгә – балаларының күңеленә дә туган илен сөю, туган авылың ярату серләрен салган”, - ди.

Туган авылым, әгәр искә тошсә,
Әнием дә баса янәшә.
Якыннарның кайгыртуын тоеп
Яшә әле, әни, йөзгәчә.

Якыннарның кайгыртуын тоеп,
Яшәүләре җирдә, ай рәхәт!
Синең кебек ак күңелле олы йөрәк булган
Барлык аналарга мең рәхмәт.

Клавдия Максимова шигыре