Керәшеннәр – данлыклы имчеләр

“Сихер ул – колдовство. Аны бар халык та ясаган. Ә керәшеннәр элек-электән имчеләр, яки русчалап әйткәндә, знахарь булганнар. Керәшеннәр, мәҗүси булганлыктан, көчне, сәламәтлекне, дәртне табигатьтән алган. Төрле үләннәр белән мавыкканнар. Нинди генә авыру килеп чыкса да, аны табигать байлыклары белән дәвалый белгәннәр. Андый кешеләрне хәзерге авыл фельдшерларына тиңләргә була.

Керәшеннәр арасында яхшы имләүчеләр (өшкерүчеләр) дә күп булган. Мәсәлән, күзгә “арпа” чыкканда, “дуңгыз яңагы” белән авырганда имләү файда китергән. Имләгәндә аның үз махсус сүзләре, хәрәкәтләре булган. Мондый вакытта имчеләр чын арпа орлыгы яки дуңгыз яңагы тотып та имләгәннәр”, - дип аңлатты Валентина Максимова.