Керәшен Сәрдәсендә "Кошларга кышын ярдәм ит" акциясен үткәргәннәр

Питрәч районы Керәшен Сәрдәсе авылында районкүләм "Кошларга кышын ярдәм ит" акциясе узган. Акциядә мәктәп балалары һәм җирле узидарә хезмәткәрләре катнашкан.

"Баштан балаларга, әти-әниләргә акция турында хәбәр ителә. Җимлекләрне мәктәптә ясыйбыз. Кемнәрнең әтиләре булыша, алар өйләрендә ясап киләләр. Акциягә бер көн билгеләнә. Анда безнең глава да катнаша. Әлеге акция балаларны һәм олыларны берләштерүче матур тардициягә әверелде", - дип сөйләде Керәшен Сәрдәсе мәктәбе укытучысы Нина Фадеева.