Казан керәшен оешмасы җитәкчесе республика оешмасы белән бергә эшләргә теләк белдерде

Иван Егоров шушы көннәрдә Казан шәһәре керәшен оешмасының җитәкчесе алышынуын искә алды. Ул 20 еллап оешманы җитәкләгән Мария Семёновага нәтиҗәле эше өчен рәхмәт белдереп, яңа сайланган җитәкче Светлана Борисовага уңышлар теләде. Светлана Борисова тумышы белән Теләче районы Тәмте авылыннан. Югары белемле педагог, Казан шәһәре муниципаль берәмлеге башкарма комитеты мәгариф идарәсенең уку фәннәре буенча методисты булып эшли.
Әйтергә кирәк, Казан шәһәре оешмасы Республика оешмасы составыннан берничә ел элек аерылып чыкты. Утырышның эшен күзәткәннән соң, Светлана Борисова: “Республика керәшен оешмасының зур, бердәм команда икәнен күрдем. Киләчәктә сезнең белән киңәшләшеп, аңлашып эшлисем килә”, - дип теләкләрен белдерде.

Бу темага:

Республика керәшен оешмасының идарә утырышы булды

Чистай керәшен оешмасы: этник бәйрәмнәр оештырганда яшьләрне җәлеп итәбез
"Туганайлар"ның баш редакторы Юлия Губина иң күп газета алдыручы төбәкләрне атады

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.