Бәяләрне атна саен ике махсус комиссия тикшерә

Республика Президенты Рөстәм Миңнехановның кушуы буенча оештырылган бу махсус комиссияләр зур сәүдә йортлары белән беррәттән, кечкенә кибетләрдә дә бәяләрне атна саен карап-тикшереп, чагыштырып торачаклар. Президент хәзерге вакытта сәүдәне халык күпләп ала торган продуктлар, аерым алганда, шикәр комы һәм он белән тәэмин итү бурычын куйган. Ул, шулай ук, 19 марттан республикада авыл хуҗалыгы ярминкәләре эшли башлаячагын, аларның үзебездә җитештерелгән азык-төлек белән сәүдә итәчәген хәбәр иткән.

Президентның матбугат хезмәтендәгеләр әйтүенчә, көнкүреш техникасы буенча да бездә проблема юк – республикада техника (суыткыч, кер юу машинасы, плитә, чәйнек, үтүк һәм башкалар) җитештерә торган Haier компаниясе гадәти режимда эшли. Дару белән тәэмин ителеш тә күзәтүдә тотыла.

Фото: pixabay.com