"Бәрмәнчек" ансамбле җитәкчелеге Ангелина Солгановага өметләр баглый

Мамадышта узган Диана Мишкина исемендәге V төбәк ара җыр һәм вокал фестивалендә "Бәрмәнчек" фольклор ансамбле директоры Артур Поляков һәм художество җитәкчесе Эльмира Кашапова Колышчы авылыннан Ангелина Солгановага Диплом тапшырдылар. 

Әлеге фестивальдә инде бишенче тапкыр "Бәрмәнчек"  җитәкчелеге Диана Мишкина тавышына охшашлы булган тавышлы солистларны барлый. "Ангелинаның тавышы яхшы, матур. Без аны ускәч, "Бәрмәнчек"тә көтеп калабыз", -диде Артур Поляков. 

"Диана Мишкина – безнең якты йолдызыбыз", - дип сөйләде Эльмира Кашапова. 

Исегезгә төшерәбез, Диана Мишкина – "Бәрмәнчек"нең солисты, 2011 елда авариядә вафат булды. Шуннан соң, Диананың мамасы Светлана Сабирова кызы исемендәге фестиваль булдырды.

Николай Михайлов фотолары 

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.  Яңалыкларыгызны 89172509795 номерына "Ватсап" аша языгыз.