“Бәрмәнчек” ансамбле Ставропольдәге Сабантуйга китте

Татарстанда Сабантуй, гадәттә, июнь ае башында бәйрәм ителә, ә менә көньяктарак милли бәйрәмне иртәрәк каршы алалар икән.

Ставрополь краеның Кече Барханчак авылында үтәчәк татар халкының милли бәйрәмен ставропольлеләр  “Көньяк Сабантуй” дип йөртә.

“Бәрмәнчек”нең сәнгать җитәкчесе Эльмира Кашапова әйтүенчә,  “Көньяк Сабантуй”да “Бәрмәнчек” ансамбле керәшен, татар һәм казакларның мәдәнияте белән таныштырачаклар. Йола-гадәтләрен үз эченә алган борынгы җыруларны, милли биюләрне башкарачаклар.

Сабантуй кунаклары милли ризыкларыбыз, тәм-том белән сыйланачаклар.

Алинә Галимҗанова.