Фотоларда керәшен тарихы - Николаевлар семьясы

Фотоларда: Мамадыш районының Ташлыяр авылыннан Николаевлар семьясының 1945 елдан соң төшерелгән бу фотосында (сулдан уңга): алда утырганнар – әтиләре Александр, энеләре Матвей, нәнәйләре Анный; икенче рәттә – Фёкла Гурьянова (Николаева), энесе Ефрем (Харьков якларында урман эшкәртү заводында җитәкче була, Чернобыль фаҗигасендә зыян күрә), тутасы Екатерина, олы тутасы Татьяна (Караганда якларына китеп югала).

Кадерле укучыларыбыз! Быел – ТАССР төзелүгә 100 ел уңаеннан, керәшеннәрнең тормышын чагылдырган фотоархив туплыйбыз. Сездән дә шундый фотосурәтләр көтеп калабыз.  Бәлки, сезнең гаилә архивларында да шушындый этнографик һәм тарихи фотолар бардыр. Кешеләр фотолары гына түгел, авыл, иман йортлары һәм башкалар төшерелгәннәре дә бардыр.. Фотоларны редакциябезгә җибәрсәгез, газетада басытырырбыз, сайтыбызга, социаль челтәрләрдәге группаларыбызга урнаштырырбыз.  

Фотоларны tuganaylar@yandex.ru электрон почтасына, 89172509795 номерына (Ватсап аша) җибәрегез.