Бай белян батрак

(Бай белян батрак идел арткылы кӧймягя тӧйяб тӧрлӧ тауарла – тимер-томор, соло тӧшӧ ӓм башка ӓйберляр алыб чыгалар. Бай жоклой.)

«Эй, хужайын, кара ӓле, ана идел котора:

Дауыл сыуны чячерятеб кӧймябезне тутыра!

Катабыз бит, сизясеҥме? Хатяр безнен эшебез…

Ӱзебез батмый калсакта ч`лана соло тӧшӧбӧз!»

Батрак кейемнярен салыб кӧймя эченя ташлый,

Кулларына ишкяк алыб ныгытыб ишя башлый.

Хужа сикереб тора да тотонадыр келяӱгя;

Меня шундый сюзляр белян котолоулык теляргя:

– «Эй Ходайым, коткара кюр, бу багытсыз ӓжялдян,

Соло тӧшӧн чылатмыйчы чыгара кюр иделдян!

Инялеӱемне эшетсяҥ миндя сине буш итмям,

Чиркяӱеҥя май дисяҥ ме, бер пот бирям, шуш` икмяк!

Ул житмяся Пасха кӧннӧ жагыб куярым эшям,

Шушы колга хадяремен кече була димясяҥ.

– «Эй хужайын, жаҥгышасыҥ, андый эшям булмыйдыр;

Мяскяӱдяге зур байлар да андый зурын куймыйдыр!

«Тик кеня тор, дим, син ахмак! Ходай кюҥлен алгынчы,

Шушы тауарларым белян жир ӧстӧня чыккынчы.

Анда чыгыб житя алсак ычкынырбыз тизеряк:

Колга буйы эшямне дя кыскартырбыз ӓзеряк!

Н.Григорьев