Журналист Венера Аитова коймак пешерергә өйрәтә

Журналист һәм алып баручы Венера Аитова социаль челтәрләрендә еш кына файдалы киңәшләр һәм төрле рецептлар белән уртаклашып тора. Бу юлы да коймак рецептын тәкъдим итә.

"Бер пачка җылымса кефирга (550 г) 1 чәй калагы сода, 0,5 чәй калагы тоз, 1 аш кашыгы шикәр комы, 2 зур күкәй, 1,5 стакан он һәм барысын бергә бутыйбыз. Шушы массага 1 стакан кайнатылган сөтне әкрен генә кушабыз. Соңыннан 2 аш кашыгы тирәсе эретелгән ак май кушам. Әзер! Иң тәмле коймакларны ясый башлыйбыз. Мин икра, сгущенка белән дә яратам. Ә сез?" – дип язган Венера.

Тиздән яллар, якыннарыгызны сыйлап карагыз әле.