Хуҗабикәләргә «лайфхак»лар

Суыткычка куяр алдыннан йомыркаларны сыек май белән сөртсәң, алар 2-3 атнага озаграк сакланачак.

Имбирьне чәй кашыгы белән дә чистартырга була. Болай чистарту күпкә җиңелрәк.

Кайбер рецептлар өчен лимон согы берничә тамчы гына кирәк. Моның өчен бер лимонны кисәргә кызганыч — әрәм була. Зубочистка белән лимонны тишегез дә, аңа әкрен генә басыгыз. Аннан тишеген скотч белән каплагыз һәм лимонны суыткычка куегыз.

Майонез банка төбендә генә калса, юарга ашыкмагыз: аз гына уксус салыгыз, зәйтүн мае, тәмләткечләр кушыгыз — салат өчен менә дигән тәмкерткеч (заправка) килеп чыга. Банка да чип-чиста булып кала.

Алма белән бәрәңгене бергә саклагыз: алмада этилен бар, ул бәрәңгегә үрергә ирек бирмәячәк.

Бананның төпләре тоташкан урынны скотч белән чорнап куйсаң, алар 3-5 көнгә соңрак карала башлаячак. Саргая башлаган яшел үләннәрне ташларга ашыкмагыз: вак итеп турап, зәйтүн мае белән бутап, боз катыра торган формаларга тутырыгыз — салат ясаганда бик җайлы булачак.

Искереп, кибеп киткән чипсы һәм крекерлар яңарту юлы бар — микроволновкага яки духовкага тыгып алырга кирәк.

Пиццаны микроволновкада түгел, ә табада җылытсаң, камырындагы май аны элеккечә тәмле итәчәк.

Чыганак