Тапларны бетерү ысуллары

Киемдәге лимон һәм мандарин тапларын бетерергә сөт ярдәм итә. Сөтне кайнатыгыз һәм тапны шуның белән җебетегез. Аннары юып, салкын суда чайкагыз.

Ачык төстәге киемдә йод табын крахмалдан боламык юк итә. Тапка крахмал белән су катнашмасын сыларга һәм 10 сәгатькә калдырырга. Соңыннан җылы суда сабынлап юарга.

Стенада майлы кул тапларын бетерергә акбур булыша. Акбурны ышкып, 15 минут көтегез. Вакыт узгач, акбурны киҗе-мамык тукыма белән сөртегез.

Теш пастасы — агач өслектәге фломастер һәм маркер тапларын бетерү өчен менә дигән чара.

Иннек эзен таплы урынга чәч лагы сиптереп бетереп була. 15 минуттан соң җылы су белән юып,тап беткәнче шулай кабатлыйсы.

Чирәм эзе.Таплы киемне ике сәгатькә тозлы суда калдырып торырга, аннары яхшылап юарга кирәк.