Пирмәнкә эчлеген һәм камырын ясау буенча берничә яхшы киңәш

Эчлек:

• Керәшеннәрнең иң тәмле һәм «фирменный» – дуңгыз итеннән. 
• Пирмәнкәгә дигән фаршка аз гына сөт кушып җибәрсәң, ул йомшак була.
•  Пирмәнкә өчен фаршка сыер, бозау ите үзе генә катырак дип уйласагыз, вак кына турап, казның яки үрдәкнең эретелгән эч маен кушарга мөмкин.
• Иттарткычтан чыгарганда ук бозау итенә аз гына каз ите кушып җибәрергә дә була: болай эшләгәндә дә фарш йомшак һәм тәмле килеп чыга.
• Фаршка аз гына кайнаган су кушу да аны йомшак итә (1 кг фаршка — 80 г су).
• Кайнаган су урынына суытылган ит шулпасы кушсаң, фарш тагын да тәмлерәк булачак.
• Фарш йомшаграк булсын дисәгез, тозын, борычын кушкач, аны бик озаклап тукмак белән төяргә кирәк.
• Суганны күбрәк кушсаң, фарш тәмле була.

Камыры

• Пирмәнкә камырына бер аш кашыгы булса да, сыек май кушсаң әйбәт.
• Пирмәнкә камырына кайнар су кушсагыз була.
• Пирмәнкә камырына бер калак кына уксус кушсак, камыр кипми, үзле, йомшак була.

Авыл хатыны